İrakli Kobaxidze: "Avropa İttifaqı Gürcüstana münasibətdə ikili standartlarla hərəkət edir"
Gürcüstanın baş naziri İrakli Kobaxidze Avropa İttifaqını ölkəsinə qarşı ikili standartlar tətbiq etdiyini bildirib. O, bildirib ki, Gürcüstan Aİ-yə üzv olmağı arzulasa da, heç vaxt müstəqilliyi və ənənəvi dəyərləri bahasına bu yoldan getməyəcək.
Crossmedia az xəbər verir ki, "Gürcüstan gələcəkdə Avropa İttifaqına üzv olmaq istəyir, lakin ölkə üçün sülhün əsas təminatçısı onun müstəqilliyi və suverenliyidir. Siyasətçi vurğulayıb ki, Gürcüstan dövlətini Aİ-yə üzvlük və qarşılığında öz ənənəvi dəyərlərindən və ya sülhdən imtina etmək dilemması qarşısında qoymaq düzgün deyil – ölkə öz prinsiplərindən imtina etməyəcək",- deyə İrakli Kobaxidze bildirib.
Bütün obyektiv parametrlərə görə Gürcüstan təkcə Aİ-yə üzv olmaq istəyən digər ölkələri deyil, həm də ittifaqa daxil olan on dövlətə qədərini qabaqlayır. Bununla belə, Aİ-nin Gürcüstana münasibəti ədalətsiz olaraq qalır",- deyə Baş nazir əlavə edib.
Kobaxidzenin sözlərinə görə, bu ədalətsizliyin səbəbi Avropa bürokratiyasının sülh və uğur istəməyən xarici qüvvələr tərəfindən idarə olunmasıdır.
Bənövşə Zahidli
15:48 20.08.2025
Oxunuş sayı: 5650
