Cross Media Təhlil Mərkəzinin analitiklərinin məqaləsi Amerikanın nüfuzlu jurnalında çap olunub
Cross Media Təhlil Mərkəzinin analitikləri tərəfindən hazırlanmış layihə əsasında “Post-İslam Cümhuriyyəti mərhələsində İranda dövlət quruculuğu modeli” (İranda dövlət quruculuğunun əsas informasiya yönümlü istiqamətləri və ənənələrinin təhlili ilə proqnozlaşdırma) adlı məqalə Amerikada, “Science of Law” (Hüquq elmi) jurnalında çap olunub.
Jurnal öz sahəsinin nüfuzlu elmi platforması olmaqla yanaşı yüksək reytinqə malikdir və Q3 kateqoriyasında indeksləşir. (https://www.scimagojr.com/journalsearch.php?q=2995-8717 )
Professor Vüqar Zifəroğlu, dosent Pərviz Kazimi, dosent Rauf Məmmədov tərəfindən hazırlanan məqalədə ölkənin postkonflikt mərhələsi və gələcək dövlət quruculuğunda aktiv iştirak edəcək daxili və xarici qüvvələrin xarakteri öyrənilməklə yanaşı siyasi qüvvələrin formalaşmasında tarixi ənənələr də təhlil edilir.
Məqalədə, ölkənin iqtisadi, sosial, siyasi və mədəni potensialı və dövlət quruculuğu ənənələrinə əsas diqqət yetirilir, ictimai rəy və dini qurumların bu proseslərdə rolu öyrənilir.
Cross Media Təhlil Mərkəzinin ekspertləri tərəfindən hazırlanan təhlillərin mütəmadi olaraq elmi platformalarda çap olunması nəzərdə tutulur.
Analitiklərimizi bu uğurlarına görə təbrik edirik.
12:32 23.07.2025
Oxunuş sayı: 5383
