Nicat Məmmədli: “TəhsilPlus” kartı müəllim nüfuzunun artırılmasına xidmət edir
“TəhsilPlus” kartı müəllimlərin peşəkar fəaliyyətinin qiymətləndirilməsi və cəmiyyətdəki nüfuzunun yüksəldilməsi baxımından əhəmiyyətli addımdır.
Crossmedia.az xəbər verir ki, bunu elm və təhsil nazirinin müşaviri Nicat Məmmədli Təhsilin İnkişafı Fondu, Kapital Bank və “Mastercard”ın birgə təşəbbüsü ilə reallaşdırılan “TəhsilPlus” kartının təqdimat mərasimində deyib.
Nicat Məmmədli qeyd edib ki, müəllimlərin rifahının yaxşılaşdırılması və ictimai nüfuzunun möhkəmləndirilməsi istiqamətində atılan hər bir addım olduqca vacibdir: “Bu təşəbbüs həmin məqsədə xidmət edir. Kartdan əldə edilən keşbek gəlirləri birbaşa müəllimlərin rifahına yönəldiləcək. Layihə həm də onların peşəkar nüfuzunun artırılmasına və ümumilikdə təhsilin inkişafına töhfə verəcək”.
17:16 18.07.2025
Oxunuş sayı: 8915
