Misir XİN rəhbəri Əraqçı, Uitkof və Qrossi ilə telefon əlaqəsi saxlayıb
Misirin xarici işlər naziri Bədr Əbdül Ati bu həftə regional gərginliyin azaldılması məqsədi ilə iranlı həmkarı Abbas Əraqçı, ABŞ-nin Yaxın Şərq üzrə xüsusi nümayəndəsi Stiven Uitkof və Atom Enerjisi üzrə Beynəlxalq Agentliyinin (AEBA) baş direktoru Rafael Qrossi ilə telefon danışığı aparıb.
Bu barədə Crossmedia.az “Əl-Əhram” qəzetinə istinadən xəbər verir ki, söhbət zamanı əsas diqqət bölgədə davam edən münaqişələrin sülh yolu ilə həllinə, xüsusilə də İranın nüvə proqramı ilə bağlı təxirə salınan danışıqların bərpasının vacibliyinə yönəlib.
Misirli nazir İran–İsrail qarşıdurması da daxil olmaqla bütün münaqişələrin yalnız diplomatik yollarla həll edilə biləcəyini bildirib.
O, Misirin bölgədə sabitlik və dialoqu təşviq etməyə davam edəcəyini vurğulayıb.
20:49 17.07.2025
Oxunuş sayı: 5516
