Əs-Suveydada druz silahlıları ərəb qəbilələrini zorla köçürür
Suriya Daxili Təhlükəsizlik Qüvvələri və Ordusunun vilayətdən çıxarılmasından sonra yerli druz qruplaşmaları Əs-Suveyda şəhərinə daxil olub.
Crossmedia.az xəbər verir ki, bu barədə Suriya TV məlumat verib.
Məlumata görə, silahlı qruplar səhər tezdən şəhər məhəllələrini, kəndləri və qəsəbələri axtarışa başlayıblar. Ərəb qəbilələrinin nümayəndələrinin zorla çıxarıldığı bildirilir. Qanunsuz silahlı dəstələr qarşılarına çıxan qəbilə üzvlərini qətlə yetirir və onların evlərini yandırırlar.
Bundan əlavə, səhər saatlarından etibarən Dəraa və Əs-Suveyda vilayətləri arasındakı yolda bədəvi ailələrin Dəraaya doğru köç etdiyi müşahidə olunur. Onlar təqiblərdən ehtiyat etdikləri üçün vilayəti tərk edirlər. Mühacirət edən qəbilələr hazırda Dəraa bölgəsindəki Busra əl-Harir şəhərində məscidlərə və məktəblərə yerləşdirilib. Əs-Suveydada isə elektrik və rabitə ilə bağlı ciddi problemlər yaşanır.
Nigar Rəhimova
18:09 17.07.2025
Oxunuş sayı: 8541
