Pezeşkiana qarşı təhqirə cavab: Təbriz rəsmisindən mollaya sərt sözlər
İran prezidenti Məsud Pezeşkianın İsrailin son hücumları ilə bağlı mövqeyini tənqid edən molla Şeyx Yunis Turabinin təhqiramiz çıxışı cəmiyyətdə narazılıq yaradıb. Təbriz Şəhər Şurasının üzvü Rəsul Bərqi məsələ ilə bağlı sərt mövqe sərgiləyib.
Bu barədə Crossmedia.az İran KİV-ə istinadən məlumat verir.
Rəsul Bərqi çıxışında bildirib ki, xalqın səsi ilə seçilən bir şəxsi bu şəkildə təhqir etmək qəbuledilməzdir. O, mollanın açıqlamasına cavab olaraq deyib: “Belə bir adam zibilxanaya atılmalıdır. Bir molla xalqın seçdiyi prezidentə qarşı belə ifadələr işlətməyə cəsarət etməməlidir”.
Bərqi əlavə edib ki, gərgin və həssas bir dönəmdə bu cür çıxışlar ictimai birlik və sabitliyə zərbə vurur, xalqın birliyini hədəfə alır.
16:16 17.07.2025
Oxunuş sayı: 661
