Ağdamda Vaqif Poeziya Günləri keçirilib
Ağdamda Vaqif Poeziya Günləri keçirilib.
Crossmedia.az xəbər verir ki, bu barədə Mədəniyyət Nazirliyi məlumat yayıb.
Bildirilib ki, Molla Pənah Vaqifin və Qarabağ şairlərinin poeziyasına həsr olunan Poeziya saatı və muğam axşamı Ağdamda mədəniyyətin bərpasına yeni nəfəs verib.
"Söz və musiqi bu torpaqlarda bir daha səsləndi", - məlumatda vurğulanıb.
Qeyd edək ki, Vaqif Poeziya Günlərinin təməli Ümummilli Lider Heydər Əliyevin təşəbbüsü ilə 1982-ci ildə Şuşada qoyulub. Məhz həmin tarixdə Ulu Öndərin iştirakı ilə Molla Pənah Vaqifin məqbərəsi və Poeziya Evi təntənəli şəkildə açılmış və onun tapşırığı ilə Vaqif Poeziya Günlərinin keçirilməsinə qərar verilmişdi. 1991-ci ilə qədər hər il təşkil olunan bu poeziya bayramı ənənəvi olaraq şairin vətəni Qazaxdan başlayır və Şuşanın əsrarəngiz Cıdır düzündə başa çatırdı.
Şuşa şəhəri işğaldan azad olunduqdan sonra Vaqif Poeziya Günləri yenidən keçirilməyə başlanıb.
21:58 16.07.2025
Oxunuş sayı: 7492
