Xarici xəbərlər

İran millət vəkilləri Pezeşkianın Taker Karlsona müsahibəsini tənqid ediblər

İran parlamentinin 24 mühafizəkar deputatı İslam Respublikası prezidenti Məsud Pezeşkianın amerikalı teleaparıcı Taker Karlsona bu yaxınlarda verdiyi müsahibəni tənqid edərək, onun bəyanatlarını “şübhəli” adlandırıb və onu “Tehranın Vaşinqtona zəifliyini nümayiş etdirməkdə” ittiham edib.

Bu barədə Crossmedia.az İran KİV-ə istinadən məlumat verir.

Qanunvericilər prezidentə ünvanladıqları məktubda onun bəzi fikirlərinin, o cümlədən ABŞ ilə danışıqların bərpasına və Atom Enerjisi üzrə Beynəlxalq Agentliklə əməkdaşlığa ümid dolu ifadələrinin “məyusedici və ölkədə əldə edilən birliyə zidd olduğunu” yazıblar.

Onlar bildiriblər ki, prezidentin şərhləri ABŞ-də “İran Vaşinqtonun hücumundan sonra zəiflik göstərməyə davam edir” təəssüratını yaradır. Onlar xəbərdarlıq ediblər ki, bu cür bəyanatlar İranın ABŞ ilə “bərabər əsasda” əlaqə saxlamasına mane olar və “yenilənmiş hərbi hücumlar üçün başqa bir səbəb” ola bilər.

🖨 Çap et

13:23 11.07.2025

Oxunuş sayı: 813