Netanyahu: Qəzzada atəşkəs razılaşması əldə olunmaq üzrədir
İsrail və HƏMAS Qəzza zolağında atəşkəs və saxlanılan girovların azad edilməsi ilə bağlı razılaşmaya bir addım daha yaxınlaşıblar. İsrailin Baş naziri Benyamin Netanyahu bildirib ki, tərəflər arasında razılaşma üçün real imkanlar yaranıb.
Crossmedia.az xarici mediaya istinadən bildirir ki, Netanyahu bu barədə “Fox Business” telekanalına verdiyi müsahibədə danışıb. O qeyd edib: “Düşünürəm ki, biz razılaşmaya daha da yaxınlaşırıq. Hesab edirəm ki, onu bağlamaq üçün yaxşı şanslar var”. Baş nazir bu prosesin uğurla yekunlaşacağına ümid etdiyini də vurğulayıb.
Eyni zamanda, “Al Arabiya” telekanalı öz mənbələrinə istinadən məlumat yayıb ki, hazırda aparılan məsləhətləşmələr müsbət atmosferdə davam edir. Lakin, hələlik nəzərəçarpacaq irəliləyiş qeydə alınmayıb.
19:41 09.07.2025
Oxunuş sayı: 7904
