Tramp–Mask savaşı: “Donuzçuluqla dolu qanun”, “qatar qəzası” və partiya planı
ABŞ Prezidenti Donald Tramp ilə “Tesla”nın rəhbəri İlon Mask arasında münasibətlərin “çətin sonluq”la başa çatdığı açıqlanıb.
Crossmedia.az xarici mediaya istinadən bildirir ki, Ağ Evin rəhbəri Syuzi Vaylz verdiyi bir müsahibəsində Maskla əməkdaşlığın əvvəlcə faydalı, sonradan isə çətin bir mərhələ ilə bitdiyini deyib.
Mask, Trampın imzaladığı “Bir Böyük Gözəl Qanun Layihəsi”ni “donuzçuluqla dolu” və “iyrənc rüsvayçılıq” adlandıraraq sərt şəkildə tənqid edib. Halbuki Tramp onu Oval Ofisdə dostcasına yola salaraq “həmişə bizimlə olacaq” demişdi.
Daha sonra Mask “Amerika Partiyası” adlı yeni siyasi hərəkat quracağını açıqlayıb. Tramp isə buna cavab olaraq keçmiş “ilk dostu”nu “qatar qəzası” adlandırıb və yeni partiya ideyasını “axmaqlıq” kimi qiymətləndirib.
Vaylz, Maskın “dünyanı fərqli görən və bəlkə də dünyanın ən ağıllı insanı” olduğunu deyərək, münasibətlərin belə bitməsinə təəssüfləndiyini bildirib.
18:21 09.07.2025
Oxunuş sayı: 9401
