Rusiya: Ermənistanın Rusiya vətəndaşlarına giriş qadağası dostluq münasibətlərinə ziddir
Rusiya Xarici İşlər Nazirliyinin rəsmi nümayəndəsi Mariya Zaxarova bildirib ki, Ermənistanın Rusiya vətəndaşlarının ölkəyə girişinə qoyduğu qadağa Moskva tərəfindən dostluq münasibətlərinə zidd bir addım kimi qiymətləndirilir.
Crossmedia.az bildirir ki, Rusiya tərəfi İrəvana mövcud fikir ayrılıqlarının aradan qaldırılması üçün konkret addımlar təklif edib və hazırda Ermənistanın reaksiyasını gözləyir.
“Biz Rusiya vətəndaşlarının Ermənistana girişinə qoyulan qadağanı Rusiya-Ermənistan münasibətlərinin müttəfiqlik xarakterinə zidd olan qeyri-dost addım kimi qiymətləndiririk”, – deyə Zaxarova vurğulayıb.
O əlavə edib ki, Moskva ilə İrəvan arasında “stop-list” məsələsi son dövrlərdə tez-tez gündəmə gəlir. Bu mövzu may ayında Rusiya xarici işlər naziri Sergey Lavrovun Ermənistana səfəri zamanı iki ölkənin XİN rəhbərləri arasında da müzakirə olunub.
Fidan Xəlilova
17:35 09.07.2025
Oxunuş sayı: 10449
