Xarici xəbərlər

İtaliyada sərnişin təyyarədə intihar etdi

İtaliyanın Berqamo hava limanında 35 yaşlı şəxs Volotea Hava Yollarına məxsus sərnişin təyyarəsinin mühərrikinə atılaraq həyatını itirib. Belə ki, hadisənin intihar olduğu ehtimal edilir.

Crossmedia.az xəbər verir ki, bu barədə Ntv məlumat yayıb.

İntihar edən vətəndaşın nə sərnişin, nə də hava limanının əməkdaşı olduğu bildirilib. O, təhlükəsizlik tədbirlərini keçərək uçuş-enmə zolağına çıxıb və mühərrikə doğru qaçaraq, birbaşa təyyarənin turbofan mühərrikinə çəkilib.

Hadisə zamanı təyyarədə olan sərnişinlər dərin sarsıntı keçiriblər. Ekipaj isə sərnişinlərə “Baxmayın, görmək istəməyəcəyiniz bir şey baş verir” xəbərdarlığı edib.

Qeyd edək ki, bu faciədən sonra hava limanında uçuşlar müvəqqəti olaraq dayandırılıb və genişmiqyaslı araşdırmalara başlanılıb.

Fatimə Məmmədova

🖨 Çap et

22:00 09.07.2025

Oxunuş sayı: 7337