Almaniya kansleri Merz: “Ukrayna ilə bağlı diplomatik vasitələr tükənib”
Almaniya kansleri Fridrix Merz Almaniya parlamentində çıxışı zamanı bildirib ki, Ukrayna münaqişəsinin həlli üçün diplomatik vasitələr artıq tükənib.
Crossmedia.az bildirir ki, o, hökumətin təhlükələrə dair apardığı qiymətləndirmələrdən sonra ilk vacib qərarların qəbul edildiyini və Ukraynaya dəstəyin davam etdiriləcəyini vurğulayıb.
“Hazırkı vəziyyəti və təhlükələri ciddi şəkildə təhlil etdikdən sonra biz ilk önəmli qərarlarımızı verdik. Ukraynaya dəstəyimizi davam etdirəcəyik ,burada sol siyasi qüvvələrin və pro-Rusiya sağ qanadlarının müqavimətinə baxmayaraq. Bu dəstək davam edəcək”,– deyə kansler qeyd edib.
Həmçinin Fridrix Merz çıxışında əlavə edib: “Bir məsələni açıq şəkildə demək istəyirəm ki,diplomatik vasitələr artıq tükənib”.
Fidan Xəlilova
16:05 09.07.2025
Oxunuş sayı: 6106
