Güneyli məhbuslar Pezeşkiana məktub yazıblar
Güney Azərbaycandan olan bir qrup siyasi məhbus – Araz Aman, Ayaz Seyfxah, Vədud Əsədi, Məhəmməd Rza Fəqihi, Tahir Nəqəvi, Mahmud Ocaqlı, Kərəm Mərdanə və Murtaza Pərvin – İran prezidenti Məsud Pezeşkiana açıq məktub ünvanlayıblar.
Crossmedia.az xarici KİV-ə istinadən xəbər verir . Məlumata görə, məktubda məhbuslar onlara qarşı “uydurma ittihamlar”, “işgəncə”, “vətəndaş hüquqlarının pozulması” və “ədalətsiz məhkəmə qərarları”ndan şikayətləniblər. Onlar prezidentdən bu proseslərə müdaxilə etməyi və sistematik zülmün qarşısını almağı tələb ediblər.
Fəallar bildiriblər ki, 2024-cü ildə qanuni çağırış olmadan, əlaqəsiz şəkildə və koordinasiyalı əməliyyatla həbs olunublar. İranın təhlükəsizlik orqanları, xüsusilə ETTELAAT Nazirliyi, onları “milli təhlükəsizliyə qarşı cinayətdə əlbir olmaq”, “casusluq” və “dövlət quruluşuna qarşı təbliğat aparmaq” kimi saxta ittihamlarla həbs edib.
Məktubda habelə onların bədnam Evin zindanında işgəncə və basqılarla üzləşdikləri, məcburi etiraflar üçün hədələndikləri də vurğulanıb.
15:10 09.07.2025
Oxunuş sayı: 6746
