Tramp: “Putin və Si Cinpini Moskva və Pekini bombalamaqla hədələmişəm”
ABŞ-nin prezidenti Donald Tramp seçki kampaniyasının donorları ilə keçirdiyi görüşdə Rusiya və Çin liderləri ilə bağlı qalmaqallı açıqlamalar verib. CNN-in yayımladığı səs yazısında Tramp bildirib ki, Vladimir Putin və Si Cinpinə müharibə təhdidi ilə xəbərdarlıq edib.
Crossmedia.az bildirir ki, Tramp görüş zamanı belə deyib: “Mən Putinə dedim ki, əgər Ukraynaya girsən, Moskvanı cəhənnəmcəsinə bombardman edəcəyəm. O dedi ki, “sənə inanmıram”. Mən isə cavab verdim: “Amma həqiqət budur ki, sən mənə inandın… Ola bilsin 10%. Və bu, kifayət edir”.
Tramp daha sonra Çin lideri Si Cinpinlə olan dialoqunu bölüşüb: “Ona dedim ki, əgər Tayvana hücum etsən, Pekini cəhənnəmcəsinə bombardman edəcəyik. O, məni dəli hesab etdi. Amma təxminən 10% inandı. Düzünü desəm, 5% kifayət edərdi”.
Prezidentin bu açıqlamaları ABŞ-ın xarici siyasətdə hansı ritorikadan istifadə etməsi ilə bağlı yenidən müzakirələrə səbəb olub.
10:37 09.07.2025
Oxunuş sayı: 6181
