Aİ Rusiyaya qarşı genişmiqyaslı sanksiyalar tətbiq etməyə hazırlaşır
Yeni paket neft gəlirlərinə, Rusiyadan və digər ölkələrdən gələn “maliyyə oyunçularına” təsir edəcək. Sanksiyalar Parisin təklifi ilə tətbiq olunacaq və bununla da Aİ Moskvanı atəşkəslə razılaşmağa sövq etmək niyyətindədir.
Bu barədə Crossmedia.az xarici KİV-ə istinadən məlumat verir.
Avropa İttifaqının (Aİ) Rusiyaya qarşı yeni sanksiyaları iqtisadi və siyasi qarşıdurmanın növbəti mərhələsinə səbəb ola bilər, lakin onların effektivliyi sual altında qalır. Bir tərəfdən Brüssel və Paris gözləyirlər ki, yeni sanksiyalar Rusiyanın resurslarını tükəndirəcək, neft gəlirlərinə və Rusiyanın maliyyə strukturlarının beynəlxalq əməliyyatlarda iştirakına zərbə vuracaq. Lakin əsas məsələ bu tədbirlərin arzu olunan effekti əldə edib-etməyəcəyidir.
Yeni paketin kifayət qədər effektiv olmadığı ortaya çıxarsa, Aİ əlavə addımları nəzərdən keçirməli olacaq.
00:35 09.07.2025
Oxunuş sayı: 700
