Avtobuslarda kondisionerlər niyə işləmir?: "Xəbərdarlıq məktubu göndərilir"- Rəsmi cavab
Yay fəsli başlayan başlayan kimi ictimai nəqliyyatın əsas problemi kondisionerlə bağlı olur. Bəzi avtobus marşrutlarında kondisioner işləsə də, bu, kütləvi deyil. Odur ki, sərnişinlər haqlı olaraq etiraz bildirlər. Sürücülər isə “bizlik deyil” deyərək məsuliyyəti boyunlarından atmağa çalışırlar.
Crossmedia.az olaraq bu barədə Azərbaycan Yerüstü Nəqliyyat Agentliyinə (AYNA) sorğu göndərdik.
Qurumun mətbuat xidmətindən sorğumuza bildirildi ki, hər il yay mövsümü başlamazdan əvvəl müntəzəm sərnişindaşıma fəaliyyəti göstərən daşıyıcılara rəsmi qaydada xəbərdarlıq məktubu göndərilir: "Havanın temperaturundan asılı olaraq avtobuslarda sərnişinlərin rahatlığı üçün sərinləndirmə sistemlərinin işlək vəziyyətə gətirilməsi tapşırığı verilib".
Kənan Novruzov
19:25 17.06.2025
Oxunuş sayı: 2838
