İsrail İran-ABŞ razılaşmasını pozmaq istəyir - Əraqçi
İsrailin İrana hücumunun məqsədi Tehran və Vaşinqton arasında danışıqlarda əldə olunmuş irəliləyişi pozmaqdır. Bu barədə İranın xarici işlər naziri Abbas Əraqçi sosial şəbəkə X hesabında paylaşım edib.
“İsrailin baş naziri Benyamin Netanyahu — beynəlxalq axtarışda olan hərbi cinayətkardır. O, həmçinin ABŞ prezidentlərini onilliklərdir öz müharibələrinə cəlb edən bir fırıldaqçıdır”, – deyə Əraqçi bildirib.
Nazirin sözlərinə görə, “Netanyahunun İrana qarşı həyata keçirdiyi cinayətkar hücumun” arxasında əsas məqsəd İranla ABŞ arasında mümkün razılaşmanın qarşısını almaqdır: “Bu razılaşmaya tərəflər düzgün və sabit yolla yaxınlaşırdılar”.
“Netanyahu daha bir ABŞ prezidentini və getdikcə daha çox amerikalı vergi ödəyicisini aldatmağa davam edir”, – deyə Abbas Əraqçi vurğulayıb.
İranın baş diplomatı əlavə edib ki, İran Silahlı Qüvvələri dünyaya aydın şəkildə mesaj verir: “Təl-Əvivdə sığınacaqlarda gizlənən hərbi cinayətkarlar cəzasız qalmayacaqlar”.
“Biz bu qorxaqlara qarşı zərbələrimizi davam etdirəcəyik – nə qədər ki, onların xalqımıza atəş açmağa bir daha cəsarət etməyəcəklərinə əmin olacağıq”, – deyə Əraqçi bəyan edib.
08:31 17.06.2025
Oxunuş sayı: 8029
