Zəlzələ Pakistanda həbsxanada xaosa səbəb oldu: 200-dən çox məhbus qaçdı
Pakistanda baş verən zəlzələ nəticəsində yaranan panika zamanı Kəraçi şəhərində yerləşən həbsxanadan 200-dən çox məhbus qaçıb.
Crossmedia.az "Dawn" nəşrinə istinadən xəbər verir ki, zəlzələ gecə saatlarında qeydə alınıb.
Təhlükəsizlik məqsədilə məhbuslar müvəqqəti olaraq açıq sahəyə çıxarılıb. Bu zaman nəzarətçilərin sayının azlığından istifadə edən məhbuslar həbsxananı kütləvi şəkildə tərk ediblər.
“Polis rəsmilərinin məlumatına görə, indiyədək qaçan məhbuslardan 78-i saxlanılıb. Digər şəxslərin axtarışı istiqamətində genişmiqyaslı əməliyyat tədbirləri davam etdirilir”.
Qaçan məhbuslardan biri polis əməkdaşları ilə qarşıdurma zamanı zərərsizləşdirilib. Digər məhbus isə ailə üzvləri tərəfindən hüquq-mühafizə orqanlarına təhvil verilib.
Hadisə ilə bağlı araşdırma aparılır.
Aybəniz Səfərova
03:56 04.06.2025
Oxunuş sayı: 8438
