“Elm sahəsində kolonializmin izləri hələ də qalır”
“Elm sahəsində kolonializmin izləri hələ də qalır” .
Crossmedia.az xəbər verir ki, bunu BMT-nin Afrika Əsilli Xalqların Daimi Forumunun (PFPAD) üzvü, Sent-Lüsiya nümayəndəsi Dr. June Christine Marie Soomer “İmperial quruluş: müstəmləkəçilik ideologiyaları və reallıqlar” mövzusunda keçirilən beynəlxalq elmi konfransda çıxışı zamanı deyib.
“Bərabərsizliyi doğuran əsas səbəblər – irqçilik, dini ayrı-seçkilik, gender bərabərsizliyi və digər sistemli maneələr aradan qaldırılmalıdır”, – deyə Dr. Soomer bildirib.
Onun sözlərinə görə, elm sahəsində kolonializmin təsirləri hələ də tam şəkildə aradan qaldırılmayıb:
“Bu səbəbdən müxtəlif sahələrdə bərabərsizliklər davam edir. Elm sahəsinin dekolonizasiyası mühüm və zəruri prosesdir. Tarixən elm ağdərili üstünlüyünü əsaslandırmaq məqsədilə istismar edilib. Elmi irqçilik – yəni ağdərililərin üstün, qeyri-ağdərililərin isə aşağı səviyyədə göstərilməsi – bu gün rəsmi olaraq rədd edilsə də, onun təsirləri hələ də qalır. Hesab edirəm ki, elm imperiya və kolonializmin strukturunun sökülməsində mərkəzi rol oynamalıdır”- Dr. Soomer əlavə edib.
Aybəniz Səfərova,
Fatimə Nəbiyeva
10:31 03.06.2025
Oxunuş sayı: 1968
