Orta Dəhliz güclənir: Azərbaycan və Dünya Bankı strateji əməkdaşlığa start verdi
Azərbaycan və Dünya Bankı arasında Orta Dəhlizin inkişafı və tranzit potensialının artırılması müzakirə edilib.
Crossmedia.az xəbər verir ki, bu barədə rəqəmsal inkişaf və nəqliyyat naziri Rəşad Nəbiyev "X" hesabında yazıb.
"Dünya Bankının Cənubi Qafqaz üzrə regional direktoru Roland Prays ilə görüşdük.
Azərbaycan Nəqliyyat və Kommunikasiya Holdinqinin (AZCON) tərkibinə daxil olan qurumlarla birgə layihələrin həyata keçirilməsi, o cümlədən Orta Dəhlizin inkişafı və tranzit potensialının artırılması ilə bağlı əməkdaşlığı müzakirə etdik. Eyni zamanda kibertəhlükəsizlik və şəhər mobilliyi sahəsində birgə fəaliyyətlə bağlı müvafiq addımların atılmasını razılaşdırdıq", - R. Nəbiyev qeyd edib.
19:39 14.05.2025
Oxunuş sayı: 513
