Türkiyə və Misir enerji sahəsində əməkdaşlığı gücləndirir
Türkiyə ilə Misir arasında enerji sektorunda əməkdaşlığın genişləndirilməsinə dair iki mühüm saziş imzalanıb.
Crossmedia.az xəbər verir ki, bu barədə Türkiyənin energetika və təbii sərvətlər naziri Alparslan Bayraktar məlumat verib.
Məlumata görə, Türkiyənin dövlət neft-qaz şirkəti BOTAŞ ilə Misirin qaz sahəsində fəaliyyət göstərən EGAS şirkəti arasında mayeləşdirilmiş təbii qazın (LNG) buxarlaşdırılması üçün FSRU (üzən terminal) qurğusunun Misirdə fəaliyyət göstərməsinə dair razılaşma əldə olunub. Bu, Türkiyədən kənarda belə bir qurğunun ilk dəfə dövri şəkildə işləməsi olacaq.
Həmçinin, karbohidrogenlər və dağ-mədən sənayesi sahəsində anlaşma memorandumu imzalanıb. Sənədə əsasən, tərəflər texniki bilik və təcrübə mübadiləsini genişləndirməyi planlaşdırır.
Fatimə Məmmədova
20:20 13.05.2025
Oxunuş sayı: 1842
