Yasamal rayonunda Zəfərin 6-cı ildönümünə həsr olunmuş dama idman növü üzrə yarış keçirilib
16 oktyabr 2026-cı il tarixində “Şəhərsalma və Memarlıq İli” çərçivəsində, Yeni Azərbaycan Partiyası Yasamal rayon təşkilatının, Yasamal Rayon İcra Hakimiyyətinin və Bakı Şəhər Gənclər və İdman İdarəsinin Yasamal rayonu üzrə Gənclər və İdman sektorunun birgə təşkilatçılığı ilə “Bakı-2026 – Dünya İdman Paytaxtı” tədbirlər proqramı çərçivəsində 44 günlük Vətən müharibəsində qazanılmış tarixi Zəfərin 6-cı ildönümünə həsr olunmuş Azərbaycan Dövlət Pedaqoji Universitetinin nəzdində fəaliyyət göstərən Azərbaycan Dövlət Pedaqoji Kollecində dama idman növü üzrə yarış keçirilib.
Crossmedia.az xəbər verir ki, yarışda Yeni Azərbaycan Partiyası Yasamal rayon təşkilatının sədr müavini Elnarə Mustafayeva, Bakı Şəhər Gənclər və İdman İdarəsinin Yasamal rayonu üzrə Gənclər və İdman sektorunun müdiri İlham Səfərov, YAP Yasamal rayon təşkilatının, Bakı Şəhər Gənclər və İdman İdarəsinin Yasamal rayonu üzrə Gənclər və İdman sektorunun və Azərbaycan Dövlət Pedaqoji Kollecinin əməkdaşları, yarış iştirakçıları iştirak ediblər.
Əvvəlcə Ulu Öndər Heydər Əliyevin, Azərbaycanın ərazi bütövlüyü və suverenliyi uğrunda canlarından keçmiş şəhidlərin əziz xatirəsi bir dəqiqəlik sükutla yad edilib. Daha sonra Azərbaycan Respublikasının Dövlət Himni səsləndirilib.
Çıxış edən YAP Yasamal rayon təşkilatının sədr müavini Elnarə Mustafayeva və Bakı Şəhər Gənclər və İdman İdarəsinin Yasamal rayonu üzrə Gənclər və İdman sektorunun müdiri İlham Səfərov ölkəmizdə həyata keçirilən uğurlu idman siyasətindən bəhs ediblər. Qeyd olunub ki, Azərbaycanda idmanın inkişafı, gənclərin idmana marağının artırılması və sağlam həyat tərzinin təbliği dövlət siyasətinin əsas istiqamətlərindəndir. Prezident İlham Əliyevin idmanın inkişafına göstərdiyi xüsusi diqqət və qayğı nəticəsində ölkəmizdə müasir idman infrastrukturu yaradılır, idmançıların beynəlxalq yarışlarda uğurla çıxış etmələri üçün geniş imkanlar təmin olunur. Birinci vitse-prezident Mehriban xanım Əliyevanın və rəhbəri olduğu Heydər Əliyev Fondunun idmanın inkişafına, sağlam həyat tərzinin təşviqinə və gənclərin idmana cəlb edilməsinə yönəlmiş təşəbbüslərinin də bu sahədə mühüm əhəmiyyət daşıdığı vurğulanıb. Bildirilib ki, dövlət səviyyəsində göstərilən diqqət və qayğı idmanın kütləviliyinin artırılmasına, gənclərin idman fəaliyyətinə cəlb olunmasına və onların fiziki sağlamlığının möhkəmləndirilməsinə əlverişli şərait yaradır. Çıxışlarda, həmçinin “Bakı-2026 – Dünya İdman Paytaxtı” tədbirlər proqramı çərçivəsində təşkil olunan yarışların idmanın təbliği və gənclərin asudə vaxtlarının səmərəli təşkili baxımından əhəmiyyəti diqqətə çatdırılıb. 44 günlük Vətən müharibəsində qazanılmış tarixi Zəfərin xalqımızın milli birliyinin, əzminin və qəhrəmanlığının təcəssümü olduğu vurğulanıb. Qeyd edilib ki, Zəfərin 6-cı ildönümünə həsr olunan bu cür tədbirlər gənc nəslin vətənpərvərlik ruhunda tərbiyə olunmasına, milli-mənəvi dəyərlərə bağlılığının gücləndirilməsinə xidmət edir. Dama idmanının məntiqi təfəkkürün, diqqətin və strateji düşünmə bacarıqlarının inkişafında mühüm rol oynadığı da qeyd olunub. Sonda natiqlər iştirakçılara uğurlar arzulayıb, gənclərin idmana marağının artırılmasına xidmət edən bu cür yarışların davamlı təşkilinin vacibliyini bildiriblər.
Daha sonra dama idman növü üzrə yarış keçirilib. Yarışın yekununda qalib komanda üzvlərinə müvafiq diplom və medallar təqdim olunub. Sonda xatirə şəkilləri çəkdirilib.
15:04 16.10.2026
Oxunuş sayı: 60
