Trampın Səudiyyə Ərəbistanı səfərində qəhvə tərəddüdü diqqət çəkdi
ABŞ Prezidenti Donald Tramp Orta Şərq turu çərçivəsində Səudiyyə Ərəbistanının paytaxtı Ər-Riyada rəsmi səfər edib. Qarşılama mərasimində ona təqdim olunan ənənəvi Səudiyyə qəhvəsini içməyən Trampın fincanı əlində tutduğu və bir müddət yanında olan Xarici İşlər Naziri Marko Rubiyoya baxdığı müşahidə olunub. Trampın bu anlarda yaşadığı tərəddüd və ikramı geri çevirməsi protokol baxımından diqqət çəkən bir detal kimi qeydə alınıb.
Crossmedia.az xəbər verir ki, bu barədə “BBC” məlumat yayıb.
ABŞ Prezidenti Donald Tramp Orta Şərq turunun ilk dayanacağı olan Səudiyyə Ərəbistanının paytaxtı Ər-Riyada eniş edib. Tramp üçün rəsmi qarşılama mərasimi təşkil olunub. Mərasim və görüşlər zamanı yaşanan kiçik bir detal isə kameraların diqqətindən yayınmayıb.
Trampa mərasim zamanı ənənəvi Səudiyyə qəhvəsi təqdim olunub. Lakin Tramp fincanı əlinə almasına baxmayaraq, qəhvəni içməyib. Yanında olan ABŞ-ın Xarici İşlər Naziri Marko Rubiyonun qəhvəni içdiyini görən Tramp, qısa müddət ona tərəf tərəddüdlü bir baxış atıb. Əlində dolu qalan fincanla Trampın yaşadığı çaşqınlıq protokol dili ilə ifadə edilməkdə çətinlik yaradıb.
Trampın Səudiyyə Ərəbistanı səfəri zamanı əsasən təhlükəsizlik əməkdaşlığı və iqtisadi razılaşmalar kimi bir çox mühüm mövzunun müzakirə olunacağı bildirilir.
Nigar Rəhimova
17:49 13.05.2025
Oxunuş sayı: 9644
