Ərdoğan: “PKK-nın ləğvi ilə Türkiyə terrorizmdən azad bir gələcəyə yaxınlaşır”
Türkiyə Prezidenti Rəcəb Tayyib Ərdoğan PKK terror təşkilatının fəaliyyətinin sona çatması ilə bağlı mühüm açıqlamalar verib. Prezident bildirib ki, ölkə “terrorizmdən azad Türkiyə” hədəfinə doğru inamla irəliləyir və bu istiqamətdə vacib bir mərhələ geridə qalıb.
Crossmedia.az xarici mediaya istinadən bildirir ki, Ərdoğan, atılan bu addımın yalnız PKK-nı deyil, onun Şimali İraq, Suriya və Avropada olan qollarını da əhatə etdiyini vurğulayıb. O, bu prosesi imperialistlərin əsrlərdir davam edən planlarına endirilmiş “öldürücü zərbə” kimi qiymətləndirib.
Prezident həmçinin qeyd edib ki, silahlar yerə qoyulduğu anda yeni bir dövrün qapıları açılacaq. Bu keçid mərhələsində Türkiyə kəşfiyyatı və aidiyyəti qurumlar prosesi yaxından izləyəcək və mümkün risklərin qarşısını almaq üçün bütün tədbirləri görəcəklər.
Ərdoğan çıxışında, ölkənin milli təhlükəsizlik və sabitlik yolunda bundan sonra da qətiyyətlə addımlayacağını bildirib.
Fatimə Nəbiyeva
17:32 13.05.2025
Oxunuş sayı: 676
