Tramp Suriyanın prezidenti ilə görüşə bilər
ABŞ prezidenti Donald Trampın bu həftə Səudiyyə Ərəbistanına səfəri çərçivəsində Suriya prezidenti Əhməd aş-Şara ilə görüşəcəyi gözlənilir.
Crossmedia.az xarici mediaya istinadən bildirir ki, görüş hələ Ağ Ev tərəfindən rəsmi olaraq təsdiqlənməsə də, Ər-Riyadda bununla bağlı hazırlıqlar gedir. Bu görüş Vaşinqtonun Yaxın Şərq siyasətində dəyişikliklərə işarə kimi qiymətləndirilir.
Tramp bildirib ki, əgər Suriya prezidentinin müraciəti olarsa, ABŞ Suriyaya qarşı tətbiq edilən sanksiyaları yumşalda bilər. Bu bəyanat yeni diplomatik gedişlərin başlaya biləcəyini göstərir.
Məlumata görə, sanksiyaların ləğvinə nail olmaq üçün Suriya prezidenti Əhməd aş-Şara Trampı Dəməşqdə Trump qüllə tikintisinə və ABŞ-ın Suriya təbii resurslarına çıxışına icazə verməklə razı salmağa çalışır. Bu təkliflərin yaxın günlərdə müzakirə olunacağı gözlənilir.
Fatimə Nəbiyeva
13:45 13.05.2025
Oxunuş sayı: 8088
