Cenevrədə kritik görüş: ABŞ və Çin nəhayət masa arxasına oturdu
Ticarət müharibəsinin iki əsas tərəfi olan ABŞ və Çin nümayəndələri Cenevrədə danışıqlara başlayıblar.
Crossmedia.az Çin dövlət xəbər agentliyi “Xinhua” istinadən xəbər verir ki, Çin Baş nazirinin müavini He Lipenq Cenevrədə ABŞ Maliyyə naziri Skott Bessent ilə görüş keçirib.
Dünyanın ən böyük iki iqtisadiyyatı arasında mal idxalına tətbiq olunan gömrük rüsumlarının 100 faizi xeyli keçməsi və həftələrlə davam edən gərginliyin ardından tərəflər nəhayət bir masa ətrafında əyləşiblər.
ABŞ Prezidenti Donald Tramp, Çin ilə ticarət müharibəsini yumşaltmaq məqsədilə tətbiq etdiyi idxal vergilərini dünən 145 faizdən 80 faizə endirmə fikrini gündəmə gətirib.
Trampın bu açıqlaması İsveçrədə keçiriləcək yüksək səviyyəli ABŞ–Çin görüşmələrindən bir neçə gün öncə gəlib.
ABŞ Prezidenti cümə günü səhər saatlarında sosial media hesabında paylaşım edərək, “Çinə 80 faiz gömrük rüsumu məntiqli görünür! Qərar Skott B-yə aiddir” – deyə yazıb.
Mədinə Cəlilova
16:20 10.05.2025
Oxunuş sayı: 619
