Səudiyyə Ərəbistanı BRİKS üzvlüyündən imtina edə bilər
Səudiyyə Ərəbistanı BRİKS alyansına rəsmi üzvlüyünü təxirə sala bilər. Bu qərar ABŞ-la nüvə, müdafiə və texnologiya sahələrində vacib razılaşmalar əldə etmək məqsədi ilə verilə bilər. ABŞ-ın prezidenti Donald Trampın Körfəzə planlaşdırılan səfəri bu prosesdə mühüm rol oynayır.
Crossmedia.az xarici mediaya istinadən bildirir ki, Səudiyyə Ərəbistanı BRİKS tədbirlərində iştirak etsə və alyansın rəsmi saytında üzv ölkə kimi göstərilsə də, rəsmi Riyad hələ də təşkilata tam üzv olduğunu rəsmən təsdiqləməyib. Hazırda bu “həssas” məsələnin həlli ABŞ-la aparılan nüvə, hərbi və texnoloji sahələrdəki danışıqlarla çətinləşə bilər.
Buna baxmayaraq, bu addım yalnız müvəqqəti “diplomatik gediş” kimi qiymətləndirilir. Çünki Səudiyyə Ərəbistanı hələ də BRİKS-lə, xüsusilə Çin və Rusiya ilə əməkdaşlığı strateji əhəmiyyətli sayır və bu istiqamətdə münasibətləri gücləndirməyə davam edir.
Səudiyyə Ərəbistanının BRİKS-ə münasibətdə atacağı növbəti addımlar, həm regional, həm də qlobal güc balansında ciddi dəyişikliklərə səbəb ola bilər.
Fatimə Nəbiyeva
14:40 10.05.2025
Oxunuş sayı: 660
