Hindistan ordusu Pakistana Hava hücumu planladı : Əməliyyatın adı “Sindoor”
Hindistan ordusu 7 may tarixində Pakistan ərazisinə və Pakistanın nəzarətindəki Azad Kəşmir bölgəsinə genişmiqyaslı hava hücumu həyata keçirdiyini açıqlayıb. Yeni Dehli rəhbərliyi, əməliyyatın “Sindoor Əməliyyatı” adı altında aparıldığını və bunun ötən ay Hindistanın nəzarətindəki Kəşmirdə baş vermiş qanlı hücuma cavab olaraq həyata keçirildiyini bildirib. Hökumət rəsmiləri hücumu “ədalətin yerinə yetirilməsi” olaraq qiymətləndirib.
Sindoor əməliyyatının adı Nəyi ifadə edir?
Crossmedia.az xarici araşdırmalara istinadən xəbər verir ki, Hindistan ordusunun əməliyyata “Sindoor” adını verməsinin mədəni və simvolik bir mənası var. Sindoor, Hindu evli qadınlarının alınlarına və saçlarına sürdüyü qırmızı toz pigmentidir. Bu, evliliyin simvolu sayılır və qadının evli olduğunu, həyat yoldaşının sağ olduğunu göstərir. Hindistanın müxtəlif bölgələrində bu ənənə hələ də davam edir. Hindistan mediası, əməliyyatın adının, hücumda həyat yoldaşlarını itirən qadınlara ithaf edildiyini bildirib.
Hindistan ordusu, Pahalgamdaki militan hücumuna qarşı ədalətin “yerinə yetirildiyini” bildirərək, sosial media platformasında Sindoorun fotosunu paylaşıb.
Mədinə Cəlilova
22:00 08.05.2025
Oxunuş sayı: 818
