Rusiyanın gizli zavodu: Peyk görüntüləri ilə üzə çıxdı
Reutersin araşdırmasına görə, Rusiya Ukraynadakı müharibədə istifadə edilən güclü partlayıcıların istehsalını artırmaq üçün Sibirdə – Biysk şəhəri yaxınlığında yerləşən BOZ (Biysk Oleum Zavodu) adlı müəssisədə yeni istehsal xətti qurur.
Crossmedia.az “Reuters” istinadən xəbər verir ki, yeni zavodun ildə 6 min ton yüksək təsirli partlayıcı ehtimalla RDX və ya HMX istehsal edəcəyi gözlənilir. Bu maddələr top mərmiləri və digər sursatlarda istifadə olunur.
Bu genişləndirmə Rusiyanın sursat ehtiyatlarının azaldığı və Şimali Koreyadan mərmi idxal etdiyi bir vaxtda, onun hərbi gücünü ciddi şəkildə artırmaq məqsədi daşıyır.
Zavodun yerləşdiyi ərazi Ukrayna təyyarələrinin vura bilməyəcəyi qədər uzaqdadır. Peyk görüntüləri və yerli mənbələr orada aktiv tikinti işlərinin getdiyini təsdiqləyir.
Mütəxəssislərə görə, bu istehsal gücü Rusiyanın 1.28 milyon ədəd 152 mm-lik OF-29 mərmisini doldurmağa kifayət edəcək.
Mədinə Cəlilova
18:53 08.05.2025
Oxunuş sayı: 9821
