Avropa Komissiyasının rəhbərinin istefası tələb olunur
Avropa Komissiyasının rəhbəri Ursula fon der Lyayenin fəaliyyəti Avropa İttifaqı (Aİ) rəsmiləri arasında getdikcə daha çox narazılıq doğurur.
Crossmedia.az xəbər verir ki, bu barədə TASS məlumat yayıb.
Məlumata görə, Brüsseldə Ursula fon der Lyayenin istefasının Aİ-də bir çox proseslərin qarşısını açacağı düşünülür
Qeyd olunub ki, Aİ-də yaşanan siyasi böhran fon der Lyayenin siyasi və diplomatik bacarıqlarının zəifliyini ortaya qoyur.
"Qərbdə ABŞ-lə ticarət mübahisəsi, şərqdə isə Ukrayna münaqişəsi və Rusiya ilə gərgin münasibətlər (sanksiyalar da bir növ ticarət müharibəsi formasıdır), eyni zamanda Çinlə qarşıdurmanın da Avropa üçün ümidverici görünmədiyi bir şərait mövcuddur", — deyə nəşrdə bildirilir.
Bundan əlavə, ABŞ Prezidenti Donald Tramp yanvarın 20-də inaqurasiyasından sonra Avropa Komissiyasının rəhbəri ilə hələ görüşməyib. ABŞ Dövlət katibi Marko Rubio isə bu müddət ərzində Aİ-nin xarici siyasət və təhlükəsizlik üzrə ali nümayəndəsi Kaya Kallasla iki görüşü ləğv edib. Bildirilir ki, Rubio bunu qrafiklərin uyğun gəlməməsi ilə əsaslandırıb.
Fatimə Məmmədova
10:50 27.04.2025
Oxunuş sayı: 9703
