Xarici xəbərlər

18 nəfər öldü: ABŞ mətbuatı İran limanındakı partlayışın səbəbini yazdı

İranın cənubunda yerləşən Şəhid Rəcai limanında güclü partlayış baş verib. Hadisə nəticəsində 18 nəfər ölüb, 800 nəfər isə yaralanıb.

Crossmedia.az İran mətbuatına istinadən xəbər verir ki, İranın daxili işlər nazirliyi yaralıların sayını təsdiqləyib. Bildirilib ki, yanğın nəzarət altına alınıb, lakin tam söndürülməyib. İlkin görüntülərdə limandakı bir neçə konteynerin partladığı və ərazidə ciddi dağıntıların olduğu görünür.

Amerikanın “New York Times” nəşri İnqilab Keşikçiləri Korpusuna bağlı mənbəyə istinadən partlayışın səbəbinin füzə istehsalında istifadə edilən natrium perxlorat maddəsinin olması barədə məlumat yayıb.

İran International-ın məlumatına görə, İnqilab Keşikçiləri Korpusunun xüsusi qüvvələri liman və bitişik gömrük binalarının tam nəzarətini ələ keçirib. Məlumata əsasən, limanın adi təhlükəsizlik əməkdaşları və gömrük işçiləri belə həmin əraziyə buraxılmır.

Mədinə Cəlilova

🖨 Çap et

10:05 27.04.2025

Oxunuş sayı: 949