Donald Tramp ABŞ gəmilərinin Panama və Süveyş kanallarından rüsum ödənilmədən keçməsini tələb edir
ABŞ Prezidenti Donald Tramp ölkəsinin hərbi və ticarət gəmilərinin Panama və Süveyş kanallarından rüsum ödənilmədən sərbəst keçməsinə icazə verilməsini istəyib.
Crossmedia.az Prezidentin bu barədə “Truth Social” sosial şəbəkəsindəki paylaşımına istinadən xəbər verir ki, Donald Trampın bildirdiyinə görə, ABŞ olmasaydı, nə Panama kanalı, nə də Süveyş kanalı mövcud olardı. ABŞ-nin bu kanalların təhlükəsizliyinin və fəaliyyətinin təmin edilməsində tarixi rol oynadığını vurğulayan Tramp, buna görə də ABŞ gəmilərinin bu su yollarından ödənişsiz keçmək hüququna malik olması lazım olduğunu qeyd edib.
ABŞ Prezidenti, bu məsələnin diplomatik yollarla həll olunması üçün dövlət katibi Marko Rubioya xüsusi tapşırıq verdiyini də açıqlayıb. Trampın sözlərinə görə, ABŞ hökuməti bu istiqamətdə lazımi addımlar atacaq və ABŞ-nin maraqlarının qorunmasına çalışacaq.
Qeyd edək ki, Panama kanalı ABŞ-nin mühüm strateji təşəbbüsü nəticəsində inşa edilib və uzun illər ABŞ-nin nəzarətində olub. Süveyş kanalı isə beynəlxalq ticarətdə mühüm rol oynayır və hazırda Misir tərəfindən idarə olunur.
Mədinə Cəlilova
10:37 27.04.2025
Oxunuş sayı: 9068
