Xarici xəbərlər

Nadir mineral hesabatı: Çinin üstünlüyü ABŞ müdafiə sənayesini təhdid edir

Çinin kritik mineralların ixracını məhdudlaşdırması, ABŞ müdafiə sənayesinin təchizat zəncirinin üçdə ikisini təsir edə bilər.

Crossmedia.az Çin mediasına istinadən xəbər verir ki, Govini şirkətinin hesabatına görə, qalyum, germanyum, volfram və tellur kimi minerallar ABŞ-nin silah sistemlərinin 78 faizində istifadə olunur və əsas tədarük Çindən gəlir.

Müdafiə sənayesində germanyumun 82,4 faizi, tellurun 91,2 faizi Çindən alınır. Hərbi sahələrdə bu asılılıq donanmada 91,6 faizə qədər yüksəlir. Bu vəziyyət istehsal proseslərini gecikdirə və maliyyəti artıraraq ABŞ-ni Çindən ciddi asılı vəziyyətə sala bilər.

Hesabatda, F-35 təyyarələri, AN/SPY-6 radarları və Javelin raket sistemləri kimi əsas silah texnologiyalarında bu mineralların kritik rol oynadığı vurğulanıb. ABŞ-yə yerli istehsalı artırmaq və strateji ehtiyatları gücləndirmək tövsiyə edilib.

Çin, ABŞ-nin texnologiya sektoruna tətbiq etdiyi sanksiyalara cavab olaraq bir sıra nadir elementlərin ixracına nəzarət tətbiq edərək bu sahədəki qlobal üstünlüyünü siyasi və iqtisadi təzyiq vasitəsinə çevirib.

Mədinə Cəlilova

🖨 Çap et

09:20 27.04.2025

Oxunuş sayı: 722