Tramp: Ukrayna üzrə danışıqlar həllə yaxındır
Estoniya Prezidenti Alar Karis bildirib ki, ABŞ prezidenti Donald Tramp ona Ukrayna üzrə sülh danışıqlarının davam etdirilməsi üçün əlindən gələni edəcəyinə söz verib və tərəflərin "həllə kifayət qədər yaxın olduqlarını" bildirib.
Crossmedia.az xəbər verir ki, bu barədə xarici KİV məlumat yayıb.
"Trampdan sülh prosesinin necə getdiyini soruşdum və ondan xahiş etdim ki, ABŞ vasitəçilik rolundan çəkilməsin. O da buna söz verdi və qeyd etdi ki, tərəflər həllə kifayət qədər yaxınlaşıblar. Çünki o, yaxın zamanda Prezident Zelenski ilə görüşüb. Təbii ki, bu görüşün detalları barədə onu çox dindirmədim", – Alar Karis açıqlayıb.
Fatimə Məmmədova
23:30 26.04.2025
Oxunuş sayı: 11989
