Valeri Gerasimov: "Şimali Koreya hərbçiləri Kursk vilayətində əməliyyatlarda iştirak edib"
Rusiya Silahlı Qüvvələrinin Baş Qərargah rəisi Valeri Gerasimov, Koreya Xalq Demokratik Respublikasının (KXDR) hərbçilərinin Kursk vilayətində Ukrayna Silahlı Qüvvələrinə qarşı döyüş əməliyyatlarında iştirak etdiyini təsdiqləyib.
Crossmedia.az Rusiya mətbutına istinadən xəbər verir ki, “Kursk vilayətinin sərhədyanı rayonlarının azad edilməsində Koreya Xalq Demokratik Respublikasının hərbçilərinin iştirakını qeyd etmək istəyirəm. Onlar ölkələrimiz arasında Hərtərəfli Strateji Tərəfdaşlıq Müqaviləsinə uyğun olaraq Ukrayna Silahlı Qüvvələrinə qarşı əməliyyatlarda bizə əhəmiyyətli kömək göstəriblər”, – Valeri Gerasimov, Rusiya Prezidenti Vladimir Putinə məruzə zamanı bildirib.
Valeri Gerasimov həmçinin Ukraynanın Sumı vilayətinin sərhədyanı rayonlarında təhlükəsizlik zonasının yaradıldığını da qeyd edib.
Mədinə Cəlilova
21:36 26.04.2025
Oxunuş sayı: 10001
