Dünya liderləri Vatikanda bir araya gəldi
ABŞ Prezidenti Donald Tramp, Ukrayna Prezidenti Vlodomir Zelenski, Fransa Prezidenti Emmanuel Makron və Böyük Britaniyanın Baş naziri Keir Starmer, Papa Fransiskonun dəfn mərasimi çərçivəsində Vatikanda görüş keçirib.
Crossmedia.az xarici KİV-ə istinadən xəbər verir ki, dünya liderləri Papa Fransiskonun dəfn mərasimi çərçivəsində Vatikanda bir araya gəlib. Görüş, xristianlığın ən böyük kilsəsi sayılan Müqəddəs Pyotr Bazilikasında baş tutub.
Ukrayna Prezidentinin Mətbuat Xidməti, Tramp, Zelenski, Makron və Starmerin görüşünü bir fotoşəkil paylaşaraq təsdiqləyib. Fransa Prezidentliyindən verilən açıqlamada isə liderlər arasında fikir mübadiləsinin aparıldığı və görüşün “müsbət keçdiyi” bildirilib.
Ukrayna Prezidenti Zelenski, səfəri çərçivəsində Böyük Britaniyanın Baş naziri Starmer ilə ayrıca ikitərəfli görüş də keçirib.
Zelenski, katoliklərin ruhani lideri Papa Fransiskonun dəfn mərasimi öncəsi ABŞ Prezidenti Trump ilə ayrıca görüşdüyünü bildirib. Görüşdən sonra Zelenski belə deyib: “Yaxşı bir görüş idi. Bir çox məsələni müzakirə etdik. Ümid edirəm ki, toxunduğumuz hər mövzuda nəticə əldə edəcəyik. İnsanlarımızın həyatını qorumaq, tam və şərtsiz atəşkəsə nail olmaq və yeni bir müharibənin qarşısını alacaq etibarlı və davamlı sülh yaratmaq məqsədimizdir. Ortak nəticələr əldə etsək, bu görüş tarixi ola bilər. Prezident Trampa təşəkkür edirəm.”
Mədinə Cəlilova
21:06 26.04.2025
Oxunuş sayı: 1211
