Almatıda Mərkəzi Asiya və Çin XİN rəhbərlərinin 6-cı görüşü keçirildi
Qazaxıstanın Almatı şəhərində “Mərkəzi Asiya – Çin” formatında xarici işlər nazirlərinin 6-cı görüşü baş tutub. Görüşdə tərəflər siyasi dialoqun gücləndirilməsi, ticarət-iqtisadi əlaqələrin genişləndirilməsi, nəqliyyat sahəsində qarşılıqlı əlaqələrin inkişafı və ortaq çağırışlara qarşı mübarizə məsələlərini müzakirə ediblər.
Tərəflər, həmçinin, dayanıqlı inkişaf və ekoloji təhlükəsizlik məsələlərinə xüsusi diqqət ayırıblar.
Crossmedia.az xarici mediaya istinadən bildirir ki, görüşün yekununda iştirakçılar müasir çağırışlara qarşı balanslı yanaşmanın vacibliyini vurğulayıb və qarşılıqlı faydalı inkişaf istiqamətində atılacaq növbəti addımları razılaşdırıblar.
Qeyd edək ki, bu formatda keçirilən görüşlər region ölkələri ilə Çin arasında əməkdaşlığın dərinləşdirilməsi üçün mühüm platforma rolunu oynayır.
Fatimə Nəbiyeva
15:38 26.04.2025
Oxunuş sayı: 9872
