Ukrayna və Rusiya sülhə yaxındır – Krım məsələsində güzəşt siqnalı
ABŞ prezidenti Donald Tramp, Rusiya və Ukrayna arasında sülh razılaşmasının yaxın olduğunu bildirib. Trampın sözlərinə görə, əsas məqamların əksəriyyətində razılıq əldə olunub və qan tökülməsinin dayandırılması üçün tərəflər yüksək səviyyədə görüşməlidir.
Crossmedia.az xarici mediaya istinadən bildirir ki, Ukrayna prezidenti Volodimir Zelenski Krımın hərbi yolla geri qaytarılmasının mümkün olmadığını etiraf edib. O, ABŞ-dan təhlükəsizlik zəmanətləri əldə olunacağı təqdirdə Krımın Rusiya nəzarətində qalmasına hazır ola biləcəyini bildirib.
Zelenski həmçinin ABŞ-ın birbaşa quru qoşunları göndərməsinə ehtiyac olmadığını, bunun əvəzinə kəşfiyyat, kibermüdafiə və Patriot hava hücumundan müdafiə sistemləri kimi dəstəklərin kifayət edəcəyini vurğulayıb.
Məlumata görə, Kiyev ABŞ-ın təqdim etdiyi sülh planına mümkün kompromislərlə cavab verib. Plan Ukraynanın bütün işğal olunmuş əraziləri tam şəkildə geri almasını nəzərdə tutmur və Ukraynanın NATO-ya üzvlüyünün Alyans ölkələrinin konsensusuna bağlı olacağını bildirir.
Zelenskinin Papa Fransiskin dəfn mərasimində Tramp ilə görüşmək planı olsa da, Kiyevə edilən son hücum səbəbindən onun Vatikana vaxtında çata bilib-bilməyəcəyi sual altındadır.
Zəhra Ağayeva
15:45 26.04.2025
Oxunuş sayı: 1208
