Putin və Netanyahu Papanın dəfnində iştirak etməyəcək
Papa Fransiskin dəfn mərasimində Rusiya və İsrail rəsmiləri iştirak edəcək. Lakin Çinin nümayəndə göndərəcəyi gözlənilmir.
Crossmedia.az xarici mediaya istinadən bildirir ki, Rusiya prezidenti Vladimir Putin və İsrailin baş naziri Benyamin Netanyahu dəfnə qatılmayacaq. Rusiya mədəniyyət naziri Olqa Lyubimova, İsrail isə Vatikan səfiri Yaron Zeydman tərəfindən təmsil olunacaq.
Putinin iştirak etməməsi onun Beynəlxalq Cinayət Məhkəməsinin çıxardığı həbs qərarı ilə əlaqələndirilir. İtaliya hökuməti isə bu qərarı hələ rəsmi şəkildə icraya göndərməyib.
Netanyahunun dəfnə qatılmaması İsrail ilə Vatikan arasındakı gərgin münasibətlərlə əlaqələndirilir. İsrail hökuməti Papanın vəfatı ilə bağlı rəsmi açıqlama verməkdə də gecikib.
Çinin isə mərasimdə iştirak edib-etməyəcəyi hələlik məlum deyil. Pekin yalnız qısa bir başsağlığı mesajı yayıb və mərasimlə bağlı əlavə açıqlama verməyib.
Zəhra Ağayeva
13:40 26.04.2025
Oxunuş sayı: 9449
