Çin lideri Si Cinpin süni intellektin həm imkanlar, həm də risklər yaratdığını bildirib
Çin lideri Si Cinpin süni intellekt (Sİ) texnologiyalarının cəmiyyət üçün böyük imkanlar açdığını, eyni zamanda misilsiz risklər və çağırışlar doğurduğunu bildirib.
Crossmedia.az xarici KİV-ə istinadən xəbər verir ki, "İntellektual texnologiyalar inkişaf üçün görünməmiş imkanlar yaradır, lakin eyni zamanda görünməmiş risklər və çətinliklər də ortaya çıxarır", – deyə Si Cinpin vurğulayıb.
Çin rəhbəri qeyd edib ki, süni intellekt texnologiyaları insan həyatını və istehsalat proseslərini köklü şəkildə dəyişdirəcək. Onun sözlərinə görə, Çin süni intellekt sahəsində təşəbbüsü ələ almaq və üstünlük qazanmaq üçün əsas nəzəriyyələrdə, metodlarda, alətlərdə ciddi irəliləyişlər etməlidir.
Si Cinpin əlavə edib ki, yüksək performanslı çiplərin, əsas proqram təminatlarının və digər əsas texnologiyaların inkişafı üçün səylər artırılmalıdır. O, süni intellekt üçün müstəqil, tənzimlənə bilən və koordinasiyalı işləyən əsas proqram-aparat sisteminin qurulmasının vacibliyini də vurğulayıb.
Çin lideri süni intellektin "bəşəriyyətə fayda verəcək beynəlxalq ictimai məhsul" ola biləcəyini bildirib və bu sahədə geniş beynəlxalq əməkdaşlığa çağırıb.
Aydan Quliyeva
12:35 26.04.2025
Oxunuş sayı: 10154
