Florida Dövlət Universitetində silahlı insident: Yaralılar var
ABŞ-ın Florida ştatında yerləşən Florida Dövlət Universitetində baş verən silahlı hücum nəticəsində 4 nəfər yaralanıb.
Crossmedia.az Amerika mediasına istinadən xəbər verir ki, hadisə Tallahassee şəhərində, gecə saatlarında baş verib.
Tallahassee Memorial Xəstəxanası yaralıların vəziyyəti ilə bağlı məlumat verərək onların arasında tələbələrin də olduğunu açıqlayıb. Hücum zamanı kampusda olanlara sığınacaq tapmaları tövsiyə edilib, dərslər ləğv olunub.
Şahidlər hücumçunun tələbə olduğunu bildirib. Polis və təhlükəsizlik qüvvələri ərazidə əməliyyat tədbirlərini davam etdirir.
Hadisə ilə bağlı araşdırma aparılır.
Aybəniz Səfərova
23:37 17.04.2025
Oxunuş sayı: 6666
