İsrail Qətər-Türkiyə qaz kəməri layihəsindən narahatdır
Təl-Əviv administrasiyası Qətər qazının Suriya və Türkiyə vasitəsilə Avropaya nəqlini nəzərdə tutan layihənin yenidən gündəmə gəlməsindən narahatdır.
Crossmedia.az xarici mediaya istinadən xəbər verir ki,son vaxtlara qədər Təl-Əviv administrasiyası Fars körfəzindən Avropaya karbohidrogenlərin İsrailin Hayfa limanı üzərindən daşınmasını arzulayırdı. Lakin Suriyadakı inqilabdan sonra bu arzu puç oldu.
Həmçinin qeyd olunur ki,Türkiyə ilə İsrail arasındakı artan gərginliyin arxasında enerji rəqabəti dayanır.
İsrailin Türkiyədəki keçmiş səfiri Amira Oron vurğulayıb ki, Türkiyə Suriyanın sabitliyində açar rol oynayır və İsrail hərbi eskalasiya əvəzinə Ankara ilə diplomatik əlaqə qurmaq imkanını nəzərdən keçirməlidir.
Təl-Əviv administrasiyasının Suriyadakı işlərə müdaxiləsi yeni bir cəbhənin açılmasına səbəb ola bilər.
“Mövcud cəbhələr (Qəzza və Livan) hələ də həll olunmamışkən, yeni bir cəbhənin açılması İsrailin özünə rəva görə bilməyəcəyi bir riskdir”.
2009-cu ildə təxirə salınan Qətər-Türkiyə qaz kəməri layihəsi Suriyada 61 illik BƏƏS rejiminin devrilməsindən sonra yenidən gündəmə gəlir.
Zəhra Məmmədova
20:40 17.04.2025
Oxunuş sayı: 6110
