Mərkəzi Bankın “AniPay” mobil ani ödəniş sistemində tətbiqində nə baş verir?
Son yeniliklərə əsasən, "AniPay" tətbiqində yeni funksiyalar təqdim olunub. Müştərilər artıq təsərrüfat subyektləri və ictimai iaşə müəssisələrində mal və xidmətlərin dəyərini QR kod vasitəsilə rahat və təhlükəsiz formada ödəyə bilirlər. Bu, xüsusilə pandemiya şəraitində fiziki təmas olmadan ödənişlərin həyata keçirilməsi üçün effektivdir.
Bu barədə Crossmedia.az-a danışan informasiya kommunikasiya texnologiyaları üzrə mütəxəssis Fərid Kazımov bildirib ki, hazırda Azərbaycan Respublikasının Mərkəzi Bankı tərəfindən müasir, innovativ ödəniş həlli kimi istifadəçilərə təqdim olunan “AniPay” mobil tətbiqində yeni istifadəçilərin qeydiyyatı artıq bir neçə aydır ki, dayandırılmışdır: "Müasir standartlara cavab verən və minlərlə müştərinin istifadə etdiyi “AniPay” mobil tətbiqində Anipay sistemində yeni istifadəçilərin qeydiyyatının qeyri-mümkünlüyü “xidmət keyfiyyətinin artırılması məqsədi ilə aparılan texniki işlərlə bağlı qeydiyyat prosesi müvəqqəti olaraq dayandırılmışdır” kimi izah edilir".
O, yeni istifadəçilərin qeydiyyatının dayandırılması və qeyd olunan texniki işlərin Mərkəzi Bank tərəfindən bir neçə ay ərzində başa çatdırıla bilməməsi “AniPay” mobil tətbiqinin gələcək perspektivləri ilə bağlı artıq müəyyən narahatlıq doğurduğunu vurğulayıb:"Nəzərə almaq lazımdır ki, bir müddət əvvəl Mərkəzi Bankın gpp.az platformasının istifadəsinin dayandırılması ilə bağlı bütün istifadəçilər büdcə, kommunal, rabitə, cərimə, sığorta və digər ödənişlərin aparılmasını da “AniPay” mobil tətbiqində həyata keçirirlər".
F.Kazımovun sözlərinə görə, “AniPay” ödəniş xidməti bazarında son dərəcə maraqlı innovativ həllərdən biridir:
"Sistem mobil nömrə ilə istənilən bank müştərisinə köçürmə və QR kod ilə ödəmə imkanlarını təklif edir. Eyni zamanda büdcə, kommunal, rabitə, cərimə, sığorta və digər xidmətlər üzrə ödənişləri heç bir bank tətbiqində təqdim olunmayan ümumiləşdirilmiş şəkildə ödəmək mümkündür. Bu ödəniş sisteminin davamlı inkişafı Azərbaycanda yaxın illərdə rəqəmsal ödənişlər üçün maliyyə alətlərinin çeşidililiyini təmin edilməsinə xüsusi töhvələr verə bilər. Ümid edirəm ki, yeni istifadəçi qeydiyyatnının dayandırlmasına səbəb olan texniki işlərin görülməsi nəhayət ki, aradan qaldırılacaqdır və yaxın zamanda “AniPay” tam funksionallığı ilə yenə də bu sistemdən ilk dəfə istifadə etmək istəyən vətəndaşların xidmətində olacaqdır”.
Aydan Quliyeva
15:08 08.04.2025
Oxunuş sayı: 11876
