Xameneyinin müşaviri: “İran bütün yolları bağlamayıb, bəlkə…”
İranın ali rəhbərinin müşaviri və Xarici Əlaqələr üzrə Strateji Şuranın sədri Kamal Xərrazi ABŞ-la mümkün danışıqlara münasibət bildirib.
Crossmedia.az ISNA-ya istinadən xəbər verir ki, Xərrazi İranın dialoq üçün bütün yolları bağlamadığını vurğulayıb.
Onun sözlərinə görə, Tehran qarşı tərəfi dəyərləndirmək, şərtlərini açıqlamaq və müvafiq qərar qəbul etmək üçün dolayı danışıqlara hazırdır.
“Bu gün Trampın son mövqeyi və məktuba istinadların Qərb mediasında geniş yayılması ölkədə ikiqütblü ab-hava yaratmaq məqsədi daşıyır”, – deyə Xərrazi qeyd edib.
O, sabiq ABŞ prezidenti Donald Trampın İranla münasibətləri yaxşılaşdırmaq niyyətində olduğunu, lakin Vaşinqtonun siyasi sistemində buna qarşı çıxan qüvvələrin mövcudluğunu bildirib.
Xərrazi əlavə edib ki, ABŞ İranı danışıqlara cəlb etmək üçün iqtisadi sanksiyaları və hərbi təhdidləri gücləndirməyə çalışır.
19:42 27.03.2025
Oxunuş sayı: 1524
