Əmək və sosial siyasət
ƏƏSMN: 18 yaşınadək əlilliyi müəyyən edilmiş şəxslər üçün bayram tədbiri təşkil edilib
Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin 2 saylı 18 yaşınadək əlilliyi müəyyən edilmiş şəxslər üçün sosial xidmət müəssisəsində Yel çərşənbəsi qeyd edilib.
Tədbir çərçivəsində Novruz adət-ənənələrinə uyğun olaraq tonqal qalanıb, müəssisə sakinlərinin iştirakı ilə əyləncəli oyunlar və şənlik təşkil edilib. İştirakçılara Novruzun simvolu olan şirniyyatlar paylanıb, onlarla bayramın tarixi, dəyərləri və adət-ənənələri barədə söhbətlər aparılıb. Sonra sakinlərin iştirakı ilə ədəbi-bədii kompozisiyalar və bayram proqramı təqdim edilib.
08:11 12.03.2025
Oxunuş sayı: 1067
