Təbrizli millət vəkili: “İran xalqının 60%-i türk dilində danışır”
İran parlamentinin Təbrizdən seçilmiş millət vəkili, parlamentin Təhsil Komissiyasının sədri Əlirza Monadi ölkədə etnik xalqların ana dilində təhsil alması ilə bağlı qanun layihəsinin qəbul edilməməsinə etiraz edib.
Crossmedia.az xəbər verir ki, bu barədə xarici KİV yazıb.
O, plenar iclasda çıxışı zamanı bildirib ki, İran əhalisinin 60%-i türk dilində danışır və bu reallığı gözardı etmək olmaz.
"Türk dili dünyada ən çox danışılan dillərdən biridir və qədim tarixə malikdir. Ərəb və fransız dillərindən sonra ən geniş yayılan dillərdən biri hesab olunur. Uşaqlara ana dilində təhsil almaq hüququ verilməlidir”, – deyə Monadi vurğulayıb.
O, bəzi millət vəkillərinin qanun layihəsinə qarşı çıxdığını, lakin Novruz bayramından sonra məsələ yenidən müzakirəyə çıxarılacağını və bu dəfə müsbət qərar veriləcəyinə ümid etdiyini bildirib.
Xumar Əhmədova
16:12 27.02.2025
Oxunuş sayı: 8476
