BAEA: İranın nüvə proqramı qlobal təhlükəsizlik üçün təhdid yaradır
Beynəlxalq Atom Enerjisi Agentliyinin (BAEA) baş direktoru Rafael Qrossi İranın nüvə proqramının sürətlə inkişaf etdiyini və bu prosesin dayandırılmadığı təqdirdə qlobal problemlərin daha da böyüyəcəyini bildirib.
Crossmedia.az xarici mətbuata istinadən xəbər verir ki, Qrossi ABŞ prezidenti Donald Trampın İranın nüvə proqramı ilə bağlı yeni razılaşma təklifini dəstəkləyərək, Tehran rəhbərliyinin də müəyyən razılaşmaya meylli olduğunu qeyd edib.
Agentliyin hesabatına əsasən, İran son üç ayda zənginləşdirilmiş uran ehtiyatlarını əhəmiyyətli dərəcədə artırıb. Bu ehtiyatların nəzəri olaraq 6 nüvə bombası istehsal etmək üçün kifayət edəcəyi vurğulanıb.
Qeyd edək ki, İranın nüvə proqramı uzun illərdir beynəlxalq ictimaiyyətin narahatlığına səbəb olur.
15:56 27.02.2025
Oxunuş sayı: 912
