HƏMAS: İsrail 600 Fələstinli məhbusu azad edib
Fələstinin HƏMAS hərəkatı İsrailin 600 fələstinli məhbusu azad edib.
Crossmedia.az xəbər verir ki, bu barədə xarici KİV məlumat yayıb.
Qeyd olunub ki, məhbusların azad olunması İsrailin girovların cəsədlərini təhvil vermə prosesi ilə sinxronlaşdırılıb. Hərəkat bununla İsrailin atəşkəs razılaşmasına əməl etməsini təmin etməyə çalışıb.
“Xalqımız qəhrəman məhbuslarını qarşılayır. Biz bu prosesi işğalçıların razılaşmadan yayınmasının qarşısını almaq üçün həyata keçirdik”, – deyə açıqlamada vurğulanıb.
HƏMAS həmçinin atəşkəs razılaşmasına sadiq qaldığını və onun bütün şərtlərinə əməl edəcəyini bəyan edib.
“Biz razılaşmanın ikinci mərhələsinə dair danışıqlara başlamağa hazırıq. Qəzzadakı bütün girovların azad olunmasının yeganə yolu dialoq aparmaq və əldə edilən razılaşmalara əməl etməkdir”, – deyə qeyd edilib.
Fidan Xəlilova
13:08 27.02.2025
Oxunuş sayı: 6582
