Aİ ölkələri 200 milyard avro dəyərində dondurulmuş aktivlərini Ukraynaya köçürmək istəmir
Aİ ölkələri Rusiyanın 200 milyard avro dəyərində dondurulmuş aktivlərini danışıqlarda “rıçaq” kimi istifadə etmək üçün Ukraynaya köçürmək istəmir.
Crossmedia.az xəbər verir ki, bu barədə Politico qəzeti məlumat yayıb.
Məlumata görə, Estoniya, Litva, Latviya, Danimarka, İsveç, Polşa və Çexiyanın hakimiyyət orqanları, eləcə də Aİ-nin baş diplomatı və Estoniyanın keçmiş baş naziri Kaja Kallas pulların dərhal Ukraynaya köçürülməli olduğuna inanırlar.
Böyük Avropa dövlətləri - Fransa, Almaniya, İtaliya, İspaniya və Avropa Komissiyasının sədri Ursula fon der Leyen isə əks mövqe tuturlar. Onlar ehtiyat edirlər ki, aktivlər müsadirə olunarsa, Aİ beynəlxalq investorları qorxudacaq və sülh danışıqlarında əsas üstünlüyünü itirəcək.
Qeyd edək ki, Aİ bu aktivlərdən istifadə edərək danışıqlar masasında özünə yer etməyə çalışır.
Nəzrin Salmanova
10:36 26.02.2025
Oxunuş sayı: 10927
